Tura, Feb 19, 2025: A·chik Organization for Social Welfare (AOSW) HQ, Simsanggre (Williamnagar), East Garo Hills, Butbar salo gital AOSW Chibinang Circle-ko songe on·aha, ine AOSW HQ-ni President Gripping Marak u·iataha.
Gital seokako man·gipa AOSW Chibinang Circle-ni dilgiparangara
Nasen Momin-President,
Mangrakwel Marak Vice-President, Tengkim Sangma General Secretary, Nikrak Sangma Assistant Secretary, Arman Momin Organizing Secretary,
Octor Sangma Finances Secretary, Seelnath Sangma RTI Secretary,
Chaseng Marak Publicity Secretary ong·achim.
AOSW Chibinang Circle-ni gital dilgiparang mikkangchi A·chik a·song aro jatni namgnina, jatko warachakna bilakbate kamrangko ka·angna miksonganio Chibinang Circle-ko songaha ine Marak parakataha.
