Tura, March 22, 2026: Tura-ni MDC Bernard N Marak, Garo Hills Autonomous District Council (GHADC)-ni Legislative Department-ni Joint Secretary-ko Assam and Meghalaya Autonomous Districts (Constitution of District Councils) Rules, 1951-ni Para 8-ko taridapchina proposal-ko on·aha.

Legislative Department-na Proposed ka·aniara, Assam aro Meghalaya Autonomous Districts (Constitution of District Councils) Rules, Amendment Act, 2026, ian Garo Hills-ni Autonomous District Council-o Scheduled Tribes-na chu·gimik bilko on·ani ba tribal-rangni bilrangko ripingna aro chel·chakna miksongani ong·a.

Proposal-ni gita Rule 8 Sub-Para (a)-o dongimin niam ba eligibility-ara, ‘is a Citizen of India’ ba ‘India-ni mande ong·na nanga’ ingipako, ‘is an indigenous Scheduled Tribe Citizen of India’ ba ‘Indigenous Scheduled Tribe-rang India-ni mande ong·na nanga’ ine niamko donskachina mol·molataha.

Ia Amendment-ko ra·gatchina mol·molani gitade, District Council-ni eleksino Garo Hills-o songdongkamgipa Scheduled Tribe-rangsan eleksino candidate ong·e susana ba chakatna aro member ong·na man·gen, ine ia proposal-ko Marak on·aha.