Athiabari/Aradonga, March 22, 2026:: West Khasi Hills a·jani Aradonga jolo niamgri bol ratani karkanarangko chalaienga ine kobor man·ani ja·man, A·chik Holistci Awakening Movement (AHAM) aro Association for Democracy and Empowerment (ADE) Aradonga Regional Unit, bakrime, Riangdo Range Forest Officer, Social Forestry aro Territorial Department aro Athiabari-ni Officer-in-Charge baksa sandie nikani ja·man chipataha.

Athiabari Outpost-ni pulisrang baksa melie am·sandianiko dakenba,
niamgri bol rate palengako aro furniture unit-rangko chalaiengani bidingo changni chang badi ka·aniko man·e, am·sandianiko dakaha. Daitoko jako ra·gipa authority-rangoniko maming ra·chakani donggija niamgri chalaienggipa furniture unit-rang, jolo donggipa buring bolgrimrangko bon·atengachim.

Am·sandianiko dakon, niamgri chalaienggipa unit-rango nangchongmotgipa lekkarang ba permit aro clearance dongjachim. Uandake niamko pe·anina daitoko jako ra·gipa department, ja·ku de·enba, ge 5 niamgri chalaienggipa bol ratani karkana unit-rangko chipataha.

Authority-rang jolni buring bolgrimrangko aro bol-wa·arangko ripingangna kamrangko ka·engon, mikkangchiba niamgri chalaigipa unit-rangko rim·a man·ode, niamo pangchake ja·ku de·anggen ine mikrakataha.

Uni gisepon, Civil Society Organisation (CSO), jolni manderangko iandake niamgri kam ka·anirangko nika ong·ode, ta·raken authority-rangna u·aitchina didiangaha.