Shillong, Sept 28,2024: Sixth Schedule-ko taridapna siengani bidingo, Sixth Schedule a·jani MP-rang baksa agangrikchengchina Tura-ni MP Saleng A Sangma, Home Affairs-ni Union Minister of State (MoS) Nityanand Rai-na sedoataha.
Union MoS-na sedoatgipa chittio janapatani gitade, salgro salaram a·jarango songdongenggipa Tribal manderangni bil aro daka rikanirangko ripinganio manderangni ka·dongchakaniko man·na gita Constitution-ni Sixth Schedule-ko taridapani bidingo Sixth Schedule a·jani pilak MP-rango sing·e ra·na nangenga.
Sixth Schedule-ko taridapna sienggipa Amendment Bill-ni gimin talataniko on·china, ua Union Minister of State, Nityanand Rai-ko didiataha.
Sixth Schedule-ara Tribal jatrangni bilko aro daka rikanirangko chel·chakanio mongsonggipa niam ong·a ine janapatenba, ia Bill-ko basako pass ka·gen, iani talataniko on·china Saleng Sangma, Union Minister of State-ko didiataha.
Ia Amendment Bill-ko re·baenggipa Parliament Winter Session-ona ra·angnaba gnang. Salgro salaram a·domrango donggipa Autonomous District Council-rangko bilakbatatna Sixth Schedule-ko taridapna sienga ineba Sangma janapataha.
