Baghmara, April 16, 2025: South Garo Hills-ni District Youth Congress (DYC) Petrol, Diesel aro LPG gas-ni damko gong 2 ka·e bariatahani gimin, ma·mong sorkarini kosako jegale, April 16 tariko jingjengataha.

LPG gas-ko bang·a manderangan songadam nokkadamrangoba salantian jakkalengani gimin, dam tang·doatani a·sel namen neng·nikaniko man·enga, ine DYC-ni President Arjun S.Marak parakataha.

Ma·mong sorkari petrol, diesel-ni damrangko bariatani a·sel gari jakkalgipa manderang aro salantio song·na channa jakkalenggipa LPG gas-ni damkoba tang·doarani a·sel manderang neng·nikaniko man·tokenga ine janapatenba, “Chinga ma·mong sorkarini petrol, diesel aro LPG gas-ni dam tang·onataniko raken jegala aro ua damrangko tang·onatpilchina didiatenga” ine Marak u·iataha.