Shillong, April 4,2025: Tura-ni MP Saleng A.Sangma, India a·songni dingtang dingtang biaprango Kristianrangko chadrapanirang batoroengani gimin raken jegalataha.
Re·anggipa somoirangoba Madhya Pradesh a·dokni Jalabpur-o denggu dakgipa manderang, sakgni Catholic Pamongrangko aro torom olakina songrebagipa manderangko chadrapaha ine Sangma jegalataha.
Right Wing Groups ba dolrang bang·a changon India a·songni dingtang dingtang biaprango Kristianrangko chadrapani gimin jegalenba Tura MP Saleng Sangma aro gipin Opposition dilgiparang Parliament-oni ong·kate kataha.
India a·songo Kristianrangko chadrapanirang batororoenga ine janapatengon, re·anggipa bilsirangobs chang 753-na Kristianrangko chadrapaha ine Sangma parakataha.
Ua somoioba ma·mong sorkariko chalaienggipa NDA sorkari Waqf Bill-ko an·tangtangni sika gita pass ka·draaha ineba Tura-ni MP matnangaha.
Waqf Bill aro Manipur a·doko ong·anggipa obostarangni bidingo aganpana gita chinga pring 2:30-ona kingking sengaha, indiba chingko aganna chol on·jaha. Ian Democracy-ko so·ota gita ong·a aro Constitution-ko ja·rikgijani ong·a ineba Saleng Sangma matnangataha.
