Tura, Oct 5 2024:Garo Hills gimikon mikka dondikgija waengani a·sel dingtang dingtang biaprango a·arang be·wakengon, chi bananirang ong·engon, Sukrobar pringni 11:30 bajimango Tura Dakopgre donggipa PA Stadium-ni ka·mao rikgipa official quater-rangko bera kadulgipa pakmarang Diringgagre gittimni block angipa ramao be·wakdapaha.

Diringgagre ramao be·dapani ja·mano a·arangko JCB-chi jile galna re·bae, block an·gipa ramarang nosto ong·taignok ine gittimni manderang kenchakaniko parakataha.

Apsandaken, batanggipa somoio wachi a·bachengon pakma be·dapako tarina JCB re·bae, block angipa Diringgagre gittimni ramako naptomataha.

Jrimgipa JCB gari re·bae block angipa Diringgagre gittimni ramarang ru·utgijan nosto ong·taignok, ia ramako tariaonin bilsisasan ong·engkuachim, ine gittimni manderang suk ong·gijaniko parakataha.