Tura, March 20, 2026:Tura Nasted Church Leaders Forum, Mothers’ Union aro Garo Baptist Convention (ABDK), Bristibar salo Dadenggre Block-ni ning·o ga·akgipa Gimegre Relief Camp-ona re·ange manderangko grongeaha. Ia relief camp-o sak 1500 manderang donchakenga. Toromni dilgiparangko pulisrang dilangaha aro uamangko Sadolpara Baptist Giljani manderang rimchaksoaha.

Toromni dilgiparang uamangna bi·chakaniko dake camp-o donggipa manderangni neng·nikanirangko dakchake on·angaha. Uamang adita cha·ani ringani aro gipin nanggipa bosturangkoba suale on·china gita dilgiparangni jako pakwate dobaaha. Uandake tom·tomanona chanchirimanio sak 75 mang manderang bakko ra·angaha, jeon songni nokni dilgiparang, Mothers’ Union-ni member-rang aro Muslim toromni Gaonbura-rang, ADC Pittingson R Sangma, aro Demdema Block-ni BDO, Dr. Rikrak N. Marak-ni dilanichi Shyamnagar-o tom·aniko dakangaha.

Garo Hills-o tom·tomaniko rakkina nanganiko mikkango done ding·chaonirang sokbataijachina songni manderangko jangbingbanggipa aro ong·gijagipa kobor-rangko bebe ra·jachina didiangaha. Tom·anio bakko ra·giparang kema ka·grike, namgrike dongna gita golpogrike ku·cholsan ong·china aganangaha. Ia apsandakgipa tom·aniko gipin biaprango songni nokni manderang bakrimanichi ong·ataigen ineba u·iataha.

Indake, tom·anio songdongkamgipa jatrangni ja·rikbewal niamrang ba on·gimin bilrangko mande ra·china, mongsonggipa ong·e ra·china chanchirimangaha. Uandake baikamgipa tom·tomaniko ra·bana dakchakgen ine parakangenba, tom·aniko bi·achi a·bachengata gitan bi·achi matchotataha.