Tura, April 29, 2025: Koborna u·iatani gitade, “The All Garo HIlls Times Now” Facebook Page-o, “Anonymous Participants” ine tol·gipa, ‘Fake Account Profile’ gri kuligipa mande, Catholic Toromni kosako bang·a ong·gija aro sel·tagija kattarangko see post ka·aniko saksa Social Activist Anti Human Trafficking Unit Pro-Life Meghalaya State-ni Chairman raken jegalataha.

Ua re·anggipa April 21 tariko sianggipa Pope Francis-ni kosakoba ong·gija, Social Media-ni video-rangko taridape mamingkon tale ma·sichenggija Catholic bebe ra·giparangni kosako kragija kattarangko see post ka·engani gimin mikkrakataniko on·ataha. Toromni kosako indake ong·gija kattarangko sejachina mikkrakataniko on·athaoba, manigija Social Media-rangoniko cho·biltaitaie, Catholic Toromni dal·batgipa Pope Cardinals, Bishop aro Father-rang aro Sister-rangni kosako ong·gija social media-rango matnange aro chonnike video-rangko upload ka·taiode, am·sandianiko dake FIR ka·gen ine parakataha.

Uni gimin tol·gipa account Anonymous Participants, an·tangni bimingko ong·gija see, Facebook page-o toromko kragija chonniktaiode, uni kosako Facebook Account-ko am·sandigen aro IP address Cyber-chi sandiate, Court-o bichal ka·china badi ka·doanggen ineba parakataha.

Uni gimin uandakgipa kattarangko Catholic Toromo bebe ra·giparangni kosako matnange ong·gija video-rangko gipatjachina, Social Activist Anti Human Trafficking Unit Pro Life Meghalaya State-ni Chairman mikkrakataniko on·ataha.