Tura, April 7,2025: Tura Government College (TGC), April 7 tarik Sombar saloni, Annual College Sports Week-ko Tura Te·teng A·ja College Field-o a·bachengate, A·chik jatni dingtang dingtang kal·susaanirang jekai A·ding Oka, Jakpong Pe·susaa, Budu Salgrikaniko skanggipa salo ong·atangaha.
Tura Govt. College Students’ Union (TGCSU)-ni Vice President Metchial R Sangma-ni u·iatani gitade, bilsianti ong·atrongbaenga gita, ia bilsioba Annual College Sports Week-ko Sombar saloni a·bachengataha aro antigimik dingtang dingtang kal·susaanirangko ong·atanggen.
“Anga Tura Government College Students Union-ni Vice President ong·pae, indake u·iatna sikenga, chinga da·al salni bako Tura Government College-ni Annual Sports Week-ko ong·atna gita man·aha aro ia College Week-o bang·a chatro chatrirang kusi ong·bee bak ra·aha aro kal·susaanirangko kal·susaangtokaha . Opening Ceremony-o Tura Government College-ni Vice Principal Prof. Lucietha Sangma aro gipin Proffesor-rang dongpae, College Week-ko mikkim gnangataha aro College Sports Week-ko oprake on·angaha. Anga tom·anio dongpagipa aro kal·susaanirango bak ra·gipa sakantikon mittelna kusi ong·a” ine Metchial Sangma aganaha.
