Madhya Pradesh, June 11, 2025: Sonam Raghuvanshi, jean an·tangni segipa Raja Raghuvanshi-ko uamangni honeymoon-na re·baenba so·ote galahachim, an·tangko drae bia ka·ate on·ani gimin, maiba namgijako dakna nokdangni manderangko ku·chingaha.

Raja Raghuvanshi-ni adatang Vipin Raghuvanshi-ni pulisna aganani gitade, Sonam Raja-ko bia ka·na skangan, ua an·tangni Raj Kushwaha baksa mikcha ka·sagrikako ma·gipana parakahachim. .

Bilsi 21 ong·gipa Raj Kushwaha, Sonam-ni nokdango bading chiwalenggipa manderangni ning·o accountant-ni kamko ka·engani gimin nokdangni manderang uko namnikjaha aro bia ka·na on·jaha.

“Sonam, an·tangni mikchagipa Raj Kushwaha-ni bidingo ma·gipana aganaha aro Raja-ko bia ka·na namnikgijakoba parakaha. Indiba uni ma·gipa Raj Kushwaha baksa ka·sagrikaniko namnikskajaha” ine Vipin pulisna aganaha.

Koborni gitade, Sonam Raja-ko bia ka·na sikgija gisiko ka·onange ra·chakaha, indiba Sonam pangnan nokni manderangna an·tangni namgija dakna miksonganiko ku·chinge aganrongachim. “Sonam Raja-ko bia ka·na sikgija mahari dolgnini mikkango ku·rachakmikaiaha, ine Vipin matnangenba, ua an·tangni namgija dakna miksonganiko nokni manderangna parakrongachim. Mahari dolgnian ua segipako so·otgen, ine darangba chanchijachim” ine Vipin duk ong·e aganaha.

Bilsi 29 ong·gipa Raja Raghuvanshi aro Sonam transport businessman-ko ka·achim. Uamang May 11 tariko Madhya Pradesh-ni Indore songjinmao bia ka·ani, adita salrang ja·man, dikdiksa kusi ong·e roramna gita Meghalaya a·dokona re·baha, jeon Raj aro gipin sakgittam manderang Sonam baksa apsan ku·monge, Raja Raghuvanshi-ko so·otaha.

A·bachengode, Raj Kushwaha, Sonam-na dakchakna jechakaha aro bon·kamao uamangni Meghalaya-ona re·bana miksonganikoba ra·pilaha. Ua (Raj) gipin sakgittam manderangkoba re·bajachina aganaha, indiba uamang Sonam-ni ticket-rangko ra·manahani gimin, Meghalaya-ko nina re·baaha.

“Apsandaken, sakgittam manderangba bon·kamao Raja-ko so·otna jechakahachim, indiba Sonam tangka lak 15 on·gen ine rope aganahani giminsa, Raja-ko so·otaha. Ia pilak miksonganirangkon pulisrang sandie ma·siaha” ine pulis official aganaha.