Tura, Feb 25,2025: Tengsak Momin-ni dilenggipa, Garo Students’ Union (GSU) Central Executive Committee (CEC), HQ Tura, Sibbari-oni Silkigre-ona taribaenggipa ramako name tarijani gimin contractor-ni kosako jegale, Baghmara PWD (Road) Department-ni Executive Engineer-na Sombar salo lekka sedoataha.

Sibbari-oni Silkigre-ona tarigipa ramako name blacktopping on·jani gimin, ua ramako name nirokenba taripile on·china GSU CEC, Tura PWD road-ni Executive Engineer-ko didiataha.

GSU CEC, ia apsan chittikon PWD road-ni Minister-na, South Garo Hills a·jani Deputy Commissioner-na, PWD road-ni Additional Chief Engineer-na aro Chokpot Civil Sub Division-ni SDO (Civil)-na on·ataha.

Manderangni badi ka·doatani gitade Culvert naptomgipako tarija, Retaining wall tarina nanggipako tarija, Sousage kana nanggipa A·dap dollongoni Chengba dollongona, Dareng chibimako Sousage kaja, Pitch on·na tarimittingo chu·onga gita cement-ko on·ja, Cement nonge pitch-na tarigiminrangko chu·onga gita chi ruja, pitch on·na roller jetani somoio mitam bakrango vibration on·gija roller jeta, Drain ba Nalarangko tarija, blacktopping-ko ritchae on·ja, je culvert tarigiminrangkoba matchote ka·ja aro chi jokchakgiparangkoba tarijachim.

Uni gimin, ua kamko ta·rake nipilaniko dakchina aro taripile on·china GSU, PWD department-ko didiataha.