Williamnagar, Sept 24, 2024: East Garo Hills Art & Culture Department-ni ning·o Umbrella Project Chapter III Workshop-ko September 23 tarikoni September 27 tarikona, Williamnagar, Loyola College-o ong·atenga aro ia workshop-ko a·dokni PHE Minister Marcuise N Marak Sombar salo a·bachengate on·angaha.

Ia workshop-ko a·bachengate, on·anio PHE Minister aro Williamnagar-ni MLA Marcuise Marak, jinmana aganprakengon, chadamberangko dakchakna gita sorkarini ra·gate on·enggipa program-rangni bidingo talatangenba, ia project-ara chadamberangni dingtang dingtang changa sapanirangko mesokani nambegipa chol ong·a ine aganangaha.

Ia workshop-ara chadamberangna dingtang dingtang ostrorangko on·na miksonge ong·atenggipa program ong·a. Chadamberangko bading chiwalgiparang ong·china, Marak didiangajolaha.

Indake, ia workshop-ko a·bachengate on·anio, East Garo Hills a·jani Deputy Commissioner Vibhor Aggarwal-ba dongpae jinmana aganprakenngon, jatni daka rikaniko ripinganide sakantini daitoan ong·a aro changa sapanirangko ma·sie ra·na gita ia workshop-o gisik nange skie ra·china chadamberangko didiangaha.

Ia workshop-ko ong·atanio, jawilwat tariani, golpo seani, drama dakani, jatni doka dam·ani aro jakni kamrangko skie on·anggen.

Ia workshop-ko a·bachengatanio, PHE Minister, ia bilsini HSSLC porikkao topper ong·gipa East Garo Hills a·jani chatro chatrirangna Tablet PC-rangko suale on·angjolaha. Uandake tom·anio
A·chikrangoni jawilwat tarianina changgipa Dominic M Sangma, Loyola College-ni Principal, District Librarian Suzeanna Marak aro gipinrang bak ra·angaha.

Indake ja·mani a·dokni PHE Minister, Williamnagar, Dawa Chipitgre-o honey processing centre-koba oprake on·angjolaha.