Tura, May 18,2025: Tura A·konggre, ‘Sepoy Colony Development Committee (SCDC), Robibar salo General Meeting (GM)-ko ong·ate, gital dilgiparangko seokangaha.

Tom·anio gitcham dilgiparangko dissolve ka·ani ja·mano, tom·bagipa gittimni manderang an·tangtangni namnikgipa manderangko Committee-ni dilgiparangna seokangtokaha.

Gital seoka man·gipa Sepoy Colony Development Committee-ni dilgiparangara Ma Jerika M.Sangma-President, Pa Chandan Hajong-Vice President, Pa Albert M.Sangma-Secretary, Pa John Koch-Joint Secretary, Pa Bikash Paul-Accpuntant, Ma Bijli Rabha-Treasurer, Ma Sharmila R.Sangma aro Pa Sanjay Rabha-Publicity Secretary, Pa Ranjay Hajong-Organiaing Secretary, Pa Mitison D.Sangma, Pa Sushil Paul, Pa Gitenson N.Sangma aro Pa Barun Koch-Adviser-rang aro gipin sak 13 Executive Member-rangko seokaha.

Ia gital dilgiparang pilak development-ni kamrangko mikkangchi gittimni manderang baksa apsan ku·monge ka·angna re·mikkangani ong·a. A·konggre, Sepoy Colony Development Committee, gittimo dingtang dingtang development-rangko ra·bana aro gittimko namroro silroroatna mikkangchi raken kamrangko ka·anggen ine gital President ku·rachakangaha.