Raksamgre, Feb 28, 2026: Re·baenggipa April 10 tariko ong·atenggipa, Garo Hills Autonomous District Council (GHADC) election-o 20-Raksamgre GDC elakka-oni susana gita Congress tikitko on·jahani gimin, Sengkan A. Sangma baksa bang·a jolni manderang tom·e chanchirimaniko dakenba, Sengkan A Sangma-ko Independent candidate ba jakgitel ong·e susaskachina didiangtokaha.

Sengkan Sangma-na Congress party tikitko on·jahani gimin, Raksamgre GDC elakkani ning·o donggipa dingtang dingtang polling station-rangni manderang, Sengkan Sangma-ni noko jinma tom·e chanchirimenba, Congress-na, NPP-na, TMC-na aro gipin dolrangna kam ka·gipa manderangba una ka·kimchae re·mikkangtokna tik ka·angskaha.

Sengkan Sangma, GHADC election-o Raksamgre elakkaoni susana gita Congress party tikitna dorgastoko galahachim, indiba MPCC-ni dilgiparang knachakgija jolni manderango sing·sandichenggija aro ground report-ko ra·gija manderangni ra·chakna man·gijagipa candidate-na party tikitko on·skaahani gimin, Raksamgre elakkao Congress party-na kam ka·enggipa manderang suk ong·gijaniko parakatenba, Independent Candidate ong·e susaskachina Sengkan A. Sangma-ko didiangenba, chakpaaniko on·angskaaha.