Manipur, May 5,2025: Imphal East District-ni Heingang-o donggipa Training Academy-ni foot-ball choach saksako pulis rim·aha ine koborna parakaha

Training academy-o skie ra·enggipa, chong·motan bilsi sokkugijagipa sak 11 me·chik bi·sarangko kragija til·ek an·chae dokani gimin foot ball coach saksako pulisrang rim·aha ine Robibar salo pulis parakataha.

Ua ong·a obostako duko ga·akgipa nokdangni manderang donuengani gimin bilsi sokkugijagipa me·a bi·sa saksa parake on·skaha. Indake ua ong·a obostako parake on·ani ja·man, me·chik bi·sani ma·gipa pagipa niam gita am·sandina ga·akaha aro mamlako segatahani ja·mano foot ball coach-ko rim·aha.

Uni kragija kamrang gimikchin gipangahani gimin, joltangni manderang ka·onangtokaha. Indake duko ga·akgipa me·chik bi·sa saksa, ja·mano ia obostani bidingo niam gita ja·kurangko de·e rakgipa sastiko on·china aro janggi tanga gimik uni bi·sarang baksa coach ong·e kam ka·aniko bon·atchina dabiangskaha.

Iani bidingo pulisrang am·sandianiko dakenga, mikkangchi mai ong·gen, chu·gimik obostako sandienga aro ua koborna sengkuenga ine pulisrang parakaha.