Tura, Nov 23, 2024: West Garo Hills a·jani Dadenggre Civil Sub Division-ni ning·o donggipa Community Health Centre (CHC)-o sagipa ding·gipa manderangko wachi kario sanna banna gita ra·chakjaenga aro sagiparangko mande ra·gija dake jakkalenga ine Dadenggre jolni manderang MLA-na badi ka·atako man·ahani gimin, Dadenggre-ni MLA Rupa M Marak, November 21 tarik Bristibar salo rang·gitik, Dadenggre Community Health Centre-ona re·ange nieaha.
Indake MLA, Dadenggre CHC-ona re·angenba, Officer In-charge-ko gronge, ia a·selrangni bidingo agan golpogrike, sing·sandianiko dakon, wachini somoio nok-kingrang namjae, mikka selani a·sel sagiparangko sanna gita man·jaenga, indaken sagiparang aro stff-rang namen neng·nikaniko man·tokenga. Una agreba CHC-o staff-rang chu·ongja ine officer in-charge aganchakaha.
Unbaksana, sagiparangko mande ra·gija dake jakkalenga ingipani bidingo staff baksa meeting ka·e, uamangna agan ku·patianirangko on·china didiangan baksa CHC-o bosturang chu·ongjani a·sel neng·nikaniko man·engani gimin, man·a dipet a·doknk Health Minister aro Department-na lekkarangko seate, Dadenggre CHC-ko ong·enga obostarangko ta·rake nirokatchina didiatgen aro kamrangkoba man·a dipet chu·sokatna jotton ka·gen ine Marak, CHC-ni officer in-charge-na ku·rachake donbaaha.
