@ghdnews.in@

Dadenggre, Jan 30, 2026: West Garo Hills a·jani Dadenggre Sub Division-ni ning·o donggipa Rongchugre songnk IB sepango, nosto ong·e dong·enggipa truck gari bolsako January 29 tarik Bristibar salni 1:30 bajimango wa·al kamchipaha.

Gari wa·al kamchipako songni manderang nike, Dadenggre-ni fire & emergency service-na aro pulisrangna kobor on·ataha. Uni ja·mano, pulisrang kamchipenggipa wa·alko kimitna man·aha ine jolni manderang u·iataha.

Koborna u·iatani gitade, ua truck gariara Sadolpara songni wa·arangko Phulbari-ona salangengmitting somoio Rongchugre IB sepango nosto ong·ahachim. Indake gari nosto ong·changani gimin, ua biapo dona salgni mang ong·ahachim ineba u·iataha.

Indake gari nosto ong·ako donanggipa biaponi walku chadoako songni manderang nikatenba, reange nion gariko wa·al kamengako nikani ja·mano bakan, Dadenggre-ni fire & emergency service-na kobor on·atahani gimin, pulisrang biapona re·ange wa·alko kimitna man·aha.

Ia obosta maini a·sel wa·al kamahachim, tale u·ina man·kujaenga, garini engine ba wiring nosto ong·ani a·sel ong·naba donga ine chanchichipenga.