New Delhi, May 8,2025: Pakistan aro Pakistan-ni sason ka·enggipa Kashmir-ko India chadrapani ja·man, India a·songni sason ka·enggipa Kashmir, Line of Control (LoC) sepango songdonggipa mande saksani talatani gitade, uni dongenggipa songjinma nosto ka·ako man·aha.

“Re·anggipa walni pring 1:30 bajioni pring 5:30 baji mangona, angni janggi tanga gimiko namen kenbegipa wal ong·aha ine anga chanchiaha. Walo, boma gopretani aro silai goani ku·rang kningripik dake gam·aha. Songjinma gimikan silai aro boma goani gam·anan ja·gokmanpilaha. Silai goani dondikgija gam·engon, maibasa ong·engama ine chanchimanpilaha” ine ua aganaha.

Pakistan-ni dam dok biaprango bomarang godapahani a·sel sak 26 manderang siaha aro sak 46 saknaako man·aha ine Pakistan matnangaha.

India-ni ge 5 jet fighter-rangko goaha ine Pakistan-ni Prime Minister Shehbaz Sharif a·kangaha. Indiba, uarang kakket ong·ja ine India jegalatakaaha.

Indake ong·engon, komibeoba sak 15 ramram manderang, ‘de facto border’-o Pakistan-ni boma an·tangtangni biapon goprete komibeoba sak 15 manderang so·otako man·aha, ine India-ni Army-rang parakatskaha.