New Delhi, May 8,2025: May 7 tarik waloni May 8 tarik walona Pakistan sipairang Northern aro Western India-ko man·chape Awantipura, Srinagar, Jammu, Pathankot, Amritsar, Kapurthala, Jalandhar, Ludhiana, Adampur, Bhatinda, Chandigarth, Nal, Phalodi, Uttarlai aro Bhuj biaprangko target ra·e, drone-rang aro missile-rangko jakkale chadrapna jotton ka·aha.

Pakistan, bang·a dingtang dingtang biaprangoni India-ko chadrape nisiatanirangko da·o ma·siaha aro Pakistan-an chadrape nosto ka·aha ine sakkiko man·aha.

Indian Armed Forces-rang, Bristibar pringo Pakistan-ni Air Defence Radars aro System-rangko dingtang dingtang biaprangoniko warachaksona nisanko donaha. India a·songba Pakistan gitan apsan bilakgipa a·song ong·a aro Pakistan-ko warachakna chu·onga gita ostrorang gnang ine parakatenba, Lahaore-o donggipa Air Defence System-rangko India ma·sina ja·man chakja ine aganchakataha .

Pakistan-o bilakgipa ostrorang baridapahaoba uamang, Line of Control (LoC)-ko ga·changbate re·bana ka·dongjae, Jammu aro Kashmir-ni Kupwara, Baramulla, Uri, Poonch, Mendhar aro Rajouri Sector-rangko Mortar-rang aro bilakgipa silchidarerang ba Calibre Artillery-ko jakkale goenga, ine parakataha.

Pakistan-ni bilakgipa sildarerangchi goani a·sel sakgittam (3) me·chikrang aro sakbonga (5) bi·sarangko man·chape sak 16 dos gri manderang janggitangko gimaataha. Indake ong·engon, Indiaba, Pakistan-ni bilakgipa Mortar aro Artelley-chi chadrapanirangko warachakna tarisoengaha ineba parakataha.