Shillong, March 30, 2026: Shillong songjinmani dingtang dingtang torom nok sambarango aro bajar antirango, noti dari dakgipa manderangko East Khasi Hills a·jani pulisrang am·sandie, noti dari dake badinggipa mande sakbriko man·chape, gimik sak 16 manderangko rim·aha ine Robibar salo, East Khasi Hills a·jani Superintendent of Police (SP) Vivek Syiem parakataha.

Meghalaya a·doko HIV-ko man·giparang batroroengani gimin, Shillong songjinmani torom nok samrango, noti dari dakgipa manderangni bidingo manderangni badi ka·ani ja·man, pulisrang am·sandianiko dakenba, ua manderangko rim·na man·aha.

Syiem-ni parakatani gitade, Additional SP Ivan Diengdoh aro Deputy SP Joyti Wahlang-ni dilanichi pulisrang, Pegasus Hotel-ni SBI Main Branch mikkango donggipa Presbyterian English Service Church-ona, aro Lachumiere-o donggipa MBOSE samba jolrang aro IGP Point-rangoniko am·sandienba, noti dari dakanio jak donggipa sak 16 manderangko rim·aha.

Ua manderangni jakkalgipa Swift Dzire gari bolsa aro scooter bolgnikoba pulisrang ra·sekaha.