Tura, Sep 27, 2025: Niamgri badingsrukenggipa gong lak 7 mangna batgipa damni bosturangko Purakhasia-ni Indo-Bangla sima ari sepangjoloniko West Garo Hills-ni Pulisrang rim·aha.

Koborna u·iatani gitade, Bristibar pringni 10:30 bajimango Fokachindi jolo Pulisrangni patrolling re·engmiting somoio bang·a packed ka·gimin nonga sitani bosturangko buringo donnue donengako nikaha aro ua bosturangko Pulisrang rim·aha.

Ua bosturangara, gong lak 4 hajal 36 ritchagittam sotskugni 392 damni ponds face wash gong lak 1 hajal 40 ritchaskusotchet 980 damni nivea moisturizing cream (100ml) aro gong lak 1 hajal 72 richabonga 500 damni nivea moisturizing cream (50ml) ong·achim aro ua bosturangni dam gimik gimang gong lak 7 hajal 49 ritchachetsotsnigni 872 damni ong·achim.