www.ghdnews.in#

Shillong, Feb 21, 2026::Meghalaya Assembly-ni warachakenggipa ba Leader of Opposition (LO) Dr. Mukul M. Sangma, National Highway (NH)-62 ramako tarienggipa contractor-rang, Meghalaya a·dokni gamrangko sriksrik bikote ra·enga ine matnangenba, iani bidingo am·sandianiko dakchina a·dok sorkariko didiangaha.

Iani bidingo Dr. Sangma Assembly Budget Session-o janapatenba, rama tarina a·arangko cho·e, ua biapo donggipa a·ningni gamrangko contractor-rang bikotenga ine koborko man·soaha aro uamang baksa kam ka·paenggiparangba niamgri bak ra·paenga ine aganaha.

Indake uamangni niamgri kam ka·aniko sakkina ra·gimin jachipchang ba photo gnang, iani bidingo talbate am·sandina man·na gita ia sakkiko department-na on·anggen ineba ua aganaha.

Dr. Sangma-ni sing·anina, a·dokni Dakchakgipa Skotong Minister aro PWD sorokni Minister Prestone Tynsong aganchakengon, iani bidingo sorkari bakan am·sandianiko dakanggen ine ku·rachakenba, indake niamgri a·dok chigani gamrangko skatang bikote ra·ako rim·a man·ode, niamo pangchake rakgipa sastiko on·gen ine Tynsong aganaha.