Tura, March 22, 2026: Meghalaya Indigenous Minority Tribals’ Forum (MIMTF) aro Regional Council Demand Committee (RCDC)-ni Convenor Anubhaav Hajong, adita salrangna skang Garo Hills-o so·sojengjeng ong·anina, rim·ako man·gipa NGO dilgiparangko watpilchina, a·dokni Skotong Minister Conrad K. Sangma-ko mol·molataha.

Garo Hills-o tom·tomaniko rakkiangna, ja·ku de·genchimode, rim·a man·gipa GSMC-ni Acting Chairman Balkarin Ch.Marak aro ACHIK Organisation-ni dilgipa Johnny A.Marak-ko ta·raken watpilna nangchongmota ine MIMTF aro RCDC-ni Convenor, parakataha.

A·dok sorkari so·sojengjeng ong·anggipa obostarangni bidingo NGO dilgiparang baksa tom·e chanchirimaniko dakenba, uamangni dabianirangko chu·sokate on·china aro NGO dilgiparangko rim·ani pal Garo Hills-o ong·enggipa obostarangko namatpilna kamko ka·china, Anubhaav Hajong, Skotong Minister-ko didiataha.

Sorkari NGO dilgiparangko rim·angkua ong·ode, Garo Hills-o tom·tomaniko ra·baani pal batesa, ding·chaobataona sokgen aro so·sojengjeng ong·anirang batrorogen. Uni gimin a·dok sorkari NGO-rangni dabianirangko chu·sokate on·na nanga aro rim·e donenggipa NGO dilgiparangko ta·raken watpilna nanga ine MIMTF-ni dilgipa dabiangaha.