Williamnagar, March 8, 2026: Niksamso Garo Community Organization (NGCO), A·chik ong·gijagipa, non-tribal candidate-rangni Garo Hills Autonomous District Council (GHADC) election-o susana jotton ka·aniko raken champengatgen aro uamang manijaode, mikkangchi kema ka·ani dongjawa aro ra·chakna man·jawa ine parakataha.

District Council-ko A·chikrangni niam retirang, daka rikani bewalrang aro manderangko chel·chakna bilko on·aha.

GHADC-ara India Constitution-ni Sixth Schedule-ni ning·o niamko tarina on·gipa bil ong·a. Je niamrangkon Salgro Salaram a·dokni tribal manderangna uamangni bewalrangko ripingchina aro chel·chakchina on·gipa bil ong·a.

Constitutional Framework-ni ning·o, Autonomous District Council-rangara, Tribal manderangni niam retirang aro daka rikanirangko ripingna aro jattangchin sason ka·na on·gipa bilsa ong·a. Maming dakeba gipin jatrang GHADC election-o candidate ong·na ba susana man·ja. Gipin jatrangni GHADC election-o susana jotton ka·aniara Sixth Schedule-ni niamko pe·ani aro chonnikani ong·a, ine NGCO parakataha.

A·chikrang dingtangmancha a·brini jat ong·a aro uamangni gamchatgipa daka rikani bewalrangara me·chikko noko done nokdangni pilak gam jinrangko man·rikgipa jat ong·a. “Chinga ia niam-bewalrangko aro daka-rikanirangko chengonin ripingbaenga. Indaken chinga jattangchi sason ka·na bil donga. Indiba gipin jatrangni A·chik jatni bilko, a·dok chigako ra·sekna jotton ka·aniko chinga raken jegala. Chinga
Niksamso Garo Community Organization (NGCO), ia niamko mangrake bebe ra·a aro GHADC-ara Garo Hills-o songdongenggipa tribal manderangni namgnina aro uamangni bilrangko chel·chakna, rikgimin institution ong·a. Ia institution-o tribal manderangsan dilgipa ong·na gita man·aia, gipin jatrang dilgipa ong·na man·ja a. Uamang maikai A·chikrangni daka rikani bewalrang aro niam retirangko chel·chakna man·gen, A·chik jatni Niam retikon ma·sija” ine NGCO parakataha.

Uni gimin, GHADC election-o non-tribal candidate-rangni bak ra·aniko, “Chinga raken jegala aro sason ka·gipa authority-rangko mol·molatna sika. Constitutional Provision-rango pangchake aro Garo Customary Law-ko ja·rike, Tribal manderangko chel·chakchina” didiataha.

Mikkangchiba, Niksamso Garo Community Organization, A·chik jatni Constitutional Rights-ko chel·chakna gita ku·cholsan bakrime chadenggen. “Chinga sason ka·gipa authority-rangko aro songdongenggipa manderangko Sixth Schedule-ko respect ka·china aro Tribal manderangna on·gimin bilko pe·jachina” didiataha.