Tura, Nov 21,2024:Tura NEHU Campus-o chatro chatrirang, NEHU-ni Vice Chancellor (VC), Prof Prabha Shankar Shukla-ko kam watchina dabie jingjengata, November 20 tariko sal 11 gapaha aro sal 11-na chipe donenggipa Tura NEHU Campus-ni napram do·gachol ba main gateko, chatro chatrirangni namgnina Butbar saldipet kulie on·aha.

Tura NEHU Campus-o Research dakenggipa chatro saksani aganani gitade, “Chingni Tura NEHU Compus-o sal wal protest ka·a da·al Butbaro sal 11 ong·aha, uni gisepon gital development-rangde dongkujaenga. Chingni dabianiara NEHU-ni Vice Chancellor-ko kam ra·galaniko nangnikenga aro ian chingni mongsongbatgipa dabiani ong·enga. Uni gisepon Vice Chancellor, NEHU Shillong aro Tura Campus ge·gnio jegale jingjengataniko dakengani gimin, leave ba chutti ra·e re·angaha. Uni leave-ara November 29 tariko bon·engaha. Ua dongjani gimin da·ode, NEHU-ni senior Prof. N.Saha-ko gital Vice Chancellor-na appoint ka·aha. Chingni protest ka·ani bidingo, ning·tue sandianiko dakchina inquiry committee-ko songaha. NEHU-o maimancha ong·enga, uko sandina, beben Vice Chancellor-ara maiba ong·gijako ka·jokma aro uni nokko nosto ka·ahama, uko namedake sandichina, Central-oni Committee-ko set-up ka·e, sakgni manderangko donataha. Uni gisepon, inquiry ka·giparang chingni favour-o ong·genchimode, Shillong-o hunger strike ka·ako aro Tura-o protest ka·ako chinga dontongaignok. Jedakode, Regular Class-rangko ra·na aro office-rango name kam ka·na man·gnok. Indiba chinga Monggolbar salo North Eastern Hill University Students Union-oniko notice man·soani gitade, beben office-rang chutti ong·a kam ka·na man·ja, Student-rang Scholarship-rangko apply ka·na man·ja, uni gimin da·ode, bang·gija office-rangko kuliatenga jekdake Directors Office, Joint Registrar, DSW Office, Office of the HODS aro Dean Student Welfare, jekon student-rangna kam ka·na aro jemangan hostel-rangna apply ka·engachim allotment-na aro dingtang dingtang department-rangko kulina on·aha. Da·alo chingni North Eastern Hill University Students Union baksa golpogrikanio, uamang chingna indake u·iataha. Shillong-o kantagniprak office-ko kulina on·enga, uni gimin chinga Tura NEHU Campus-ni Students Community, Butbar saldipet 10:30 bajioni 12:30 bajiona kantagni office-rangko kulina gita notice-ko on·aha. Jedakode Student-rangni Scholarship-rangko kam ka·na aro jerangan medical emergency dongachim, uarangna kamko ka·na man·na gita kantagni office kulina somoiko on·aha. Uni gimin, Shillong Campus-o North Eastern Hill University Students Union, da·alo meeting ka·enga, uni gisepon chinga maiba update-ko man·genchimode, da·alon chinga protest-ko bon·atgenma, ma knalo protest ka·angkugenma, chinga ma·sikuja, indiba uamang meeting matchote chingna u·iatosa, chinga protest ka·angkugenma, ka·angjawaha ma·sigen”, ine Research Scholar Amsrang Momin aganaha.