Manipur, April 10, 2025: Manipur a·dokni Security Forces ba chel·chakgipa dolrang, sakgittam manderang baksa gipin sakgni bobil dolni sipairangko man·chape, Imphal West aro Imphal East-ni Kangpokpi District-rango tangka dabidrae ra·anio aro dingtang dingtang namgija kamrango jak donggipa manderangko Butbar salo rim·aha ine pulis parakaha.

“Rim·a man·giparangoni Kangleipak Communist Party (KCP), People’s War Group (PWG) bobil dolni sipai saksako Imphal West District-ni Loitang Khullen joloniko Monggolbar salo rim·aha” ine pulis parakaha.

Champengako man·gipa PREPAK (Pro) bobil dolni member saksako Imphal East District-ni Sagolmang Bazar-oniko Monggolbar salo rim·aha. Apsan salon, Kangpokpi District-ni Khamenlok jolo truck driver-rangoniko tangka ra·sekdrae ra·ani bidingo rim·aha ineba pulis parakaha.

Unbaksana, dakgrikanio jakkalna chimonge dongipa chilchi darerangko Kakching aro Imphal West District, Manipur-oniko pulisrang Bristibar salo man·aha.

Pulisrangni man·gipa silchi darerangara ge·gni SMG carbine-rang, ge·sa 303 rifle baksa magazine, ge·sa single barrel silai, ge·gni double barrel silairang, ge·sa taridapgipa sniper rifle, ge·sa taridapgipa 9 mm pistol baksa magazine, ge·gittam mortar shell-rang, ronggni gopretgipa bomarang ong·achim.