@ghdnews.in@

Goalpara, Dec 14, 2025: Urpad Beel Festival cum chang 4-gipa Wangala-ko Goalpara a·jani Chamaguri Song, Assam-o ong·atangaha.

Ia songara Mongnal pulni chimonge ba skonge dongram gitchakchipchip bibalan da·o gita December, January jarango nina namen nitoatgipa mingsinggipa Chibol damsa ong·a. Assam sorkari tangka paisarangko chammate taridapaniko jako rae kaengani gimin mikkangchide Assam State Garo Song Chamaguri-ba mingsingnakenga.

Ua chang 4-gipa tom·bimongani bon·kamgipa salo Meghalaya Legislative Assembly-ni Deputy Speaker Pa Limison D. Sangma mongsongipa sokgipa ong·e bak ra·angaha. Ua skangipa changna re·bae namen katchaaniko man·aha. Indake manianiko mikkangchiba ong·atangna nanga. A·chikrang da·o gita ku·monge mikkangchiba apsan jak on·rime A·chikrangko aro songko niksengatna nanga ine ua aganangaha.

Unbaksana GSMC-ni Acting Chairman Te Balkarin Ch.Marak guest of honour ong·e ra·angaha. Ua indake aganangaha, “Urpad Beel Festival Cum Wangalla A·chik sakantinan nama sikani ong·a. Chamaguri sepanggipa Goalpara jol skangde, British aro America Missionary-rangsa A·chik songo donge, Songsarekoniko Kristian ong·atchengaha Unonisa Bongbra, Simsangre, Ampati, Resubelpara A·chik a·song gimiko Omed aro Ramke-onisa gipangaha. Da·alo chongmotan Wangala-ko manijaoba atchu ambioni man·rikbagipa Chrol me·saaniko gisik ra·enga. Angaba A·chik saksa ong·e, A·chik depante ong·e A·chik a·songna dangdike, Indiani President Ma Droupadi Murmu skangipa Tribal President-ko New Delhi-o grongaha. Garo Ku·sikko Eight Schedule-o napatchina ku·wataha. Da·o an·ching A·chikrang sea jotaniko lekka see chapa ka·anirangko on·gilna bang·en nangenga” ine aganangaha.

Gipin agangiparangara, Rabha Hasong Autonomous Council (RHAC)-ni General Member Ma Nath, ia manianiko nangnike dilgiparang gisik nangen dakchakenga, mikkangchiba ong.atangchina didiangaha.

Una agreba gipin sokgiparang BJP-ni District dilgiparang aro Mahilla-ni sokbatokaha. Uandaje, Garoland State Movement Committee (GSMC), HQ. Tura-ni Asst. Environment Secretary Pa Silbirth A. Sangma, Te Banang R. Marak, Nipon D. Sangma, ASPF-ni Chief Organising Secretary Pa Raksim R. Marak, RHAC-ni gitcham MDC Pa Frillin R. Marak, Youtuber Pa Temon Blogs, Cycling Te Amit Snal Sangma unbaksana gipinrang bang·en sokatokaha.