Ampati, March 6, 2026: Re·baenggipa Garo Hills Autonomous District Council (GHADC) eleksino, Jison Ch.Marak, South West Garo Hills a·jao donggipa 11-Boldamgre elakkaoni Nationalist Congress Party (NCP) tikito susagen ine parakataha.

Jison Marak 11-Baldamgre elakkani manderangna, jat aro a·songna kakket aro bebeo dangdike on·na nangnike, April 10 tariko ong·atna sienggipa GHADC eleksino NCP dolni tikito susagen ine parakataha.

Candidate-ko seokengon, ba baseengon, manderang tangka paisana mikpakma nigija, jat aro a·songni namgnina kakket aro bebeo, jaksitangko tangkana palgija seokchina, Jison Marak elakkaltangni manderangko didiataha.