Tura, May 5,2025: May 5 tarik Sombar salo HSSLC porikka result-rangko MBOSE, parakatahaon, Garo HIlls gimikoni sakgnisan Top 10 gadango pass ka·aiaha. Uaranga, Tura Don Bosco Higher Secondary Skulo poraigipa, Arts Stream-ni chatro saksa Neev Sharma 448 mark-rangko man·e, Top 10-ni 4-gipa gadango pass ka·aha.
Apsandaken, Tura Don Bosco Higher Secondary Skulni Science Stream-o poraigipa chatro saksa Samridhya Das 450 mark-rangko man·e, Top 10-ni 10-gipa gadangko pass ka·skaha.
Uandake, South West Garo HIlls a·jaoni gimik sak 33 Science Stream-ni chatro chatrirang HSSLC porikkako gimikan pass ka·gopaha.
