Tura, March 27, 2026: Assam aro Meghalaya a·dokni sima jolrango donggipa Bhorjora aro Rongsai rama bibrarango, Badia Anchalik Rabha Students’ Union (BARSU) niamgri tangka gilengani a·sel, gue badinggiparang noksan ong·enga ine Pedaldoba jolni NGO-rang, West Garo Hills aro North Garo Hills a·jani Deputy Commissioner-rangna badi ka·doataha.

Pedaldoba NGO-rangni parakatani gitade, ua jolrango BARSU, gue salanggiparangoniko walo, gari bolprako gong 100 ka·e tangka gilengani a·sel gue badinggiparang noksan ong·tokenga.

“Bang·a gue badinggiparang chingna sakkirangko ra·baaha aro ua ramarango niam gri tangkarangko gile ra·engani a·selan jolo songdongenggipa manderangna aro bading chiwalgiparangna neng·nikanirangko ra·baenga,” ine Pedaldoba-ni NGO-rang parakataha.

Iani bidingo ta·raken sandirokaniko dakchina aro ua ramarango niamgri tangka gile ra·enggipa BARSU-rangni kosako rakgipa ja·kurangko de·china gitaba Pedaldoba-ni NGO-rang, West Garo Hills aro North Garo Hills a·jani Deputy Commissioner-rangko didiataha.

Adita salrangna skang, Garo Hills-o so·sojengjeng ong·anirang ka·sinangengon, gitap gitap A·chikrangni kosako iandakgipa neng·nikanirangko ra·bataienga ineba NGO-rang parakataha.