Baghmara, Nov 9, 2024: Garoland State Movement Committee (GSMC) Southern Zone, Baghmara, November 7 tarikoni 100 Drums Wangala Festival-ko a·bachengatahani gimin, Garo Hills gimikon ba a·ja ge·antion, local holiday ba chutti ine District Administration parakatani ja·man, South Garo Hills a·jani
District Selection Committee (DSC) chuttini salko manigija, Lower Division Assistant (LDA) aro gipin dingtang dingtang sorkari office-ni kamrangna, typing test ra·aniko raken jegalataha.
GSMC Southern Zone-ni Co-Chairman Luckystone R.Sangma-ni parakatani gitade, ia salara A·chikrangni dal·batgipa maniani ba Wangala Festival-sa ong·achim aro ia Wangala Festival-nan dingtang dingtang sorkari office-rang, Magisterial Court-rang, Skul aro College-rangko November 7 tarik Bristibar salo Garo Hills gimikon chutti watahachim.
Indiba, South Garo Hills a·jani District Selection Committee, manigija chuttini salo dingtang dingtang sorkari office-ni kamrangna typing test ra·aniara kraani ong·ja aro ra·chakna man·gijani ong·a. DSC A·chik jatko namemanchaan chonnikaha aro dal·e ra·gijaniko mesokani ong·a. “Chinga iandakgipa, South Garo Hills, District Selection Committee-ni kamko raken jegala” ine Sangma suk ong·gijaniko parakataha.
