Tura, May 4, 2025: Garo Hills-o A·chik jat aro a·songni namgnina re·mikkange, kamrangko ka·enggipa dolsa NGO, Federation for A·chik Freedom (FAF) Chief Committee, HQ. Tura, East Garo HIlls a·jao gital Rongmil Unit-ko songenba approved ka·e on·angaha.
FAF Rongmil Unit-ko approved ka·e on·aniara mikkangchi dingtang dingtang jatni issue-rangna ku·monge apsan ja·ku de·angna aro FAF dolko bilakbatatna miksongani ong·a.
“Chinga na·simangni kang·kare kae Federation-ni pilak kamrangko apsan ku·monge kamrangko apsan ka·angna an·tangtangko on·kanganichi Unit-ko bilakatna aro pilak kamrangko chu·sokatna gita man·gen. Ian chingni miksongani ong·a. An·ching mikkangchi apsan ku·monge kamrangko ka·genchimode, pilak kamrangon chu·sokna gita man·gen” ine FAF Chief Committee, HQ Tura-ni President Brinbal M.Sangma, Rongmil Unit-ko approved ka·e on·na man·ahani gimin kusi ong·aniko parakataha.
“Chinga gital approved ka·ako man·gipa Rongmil Unit-ni member-rangko gisik ka·tong gimikchi kusi ong·bee rimchaksoa. Chinga ka·donga, Federation-ni gamchataniko aro miksonganiko ja·rike mikkangchi kamrangko ka·anggen” ineba Sangma parakataha.
