Tura, March 20, 2026:
Garo Hills Independent Candidate Movement Forum (GHICMF), da·al March 20 tariko Union Minister of State Home Affairs, Nityanand Rai-ko gronge memorandum-ko on·angaha.

GHICMF-ni seatgipa memorandum-o ming 3 mongsonggipa point-rangko on·angaha. Skanggipa Sixth (6) Schedule-ko tange rakkina aro Indigenous Tribal manderangna on·gipa bilko Union-ni gita niroke kamrangko dakchake on·pachina janapataha aro Schedule Tribe-rangna on·gipa bilrango, rorirang bak ra·ani bidingoba kamrangko nirokatpachina mol·molataha.

Gnigipa Garo Hills-ni sima arirango bang·bate chel·chakgipa BSF sipairangko watatchina aro Bangladesh a·songoni napsrukbae songdongenba, Indiani manderangko neng·nikatengani gimin, sima-arirango rakbate nirokatchina mol·molataha. Bang·bata somoion, Bangladesh-oni re·bae India a·songo songdonggipa manderangna neng·nikataniko on·a baksana mitamrang napsruke songdong a·chaanirangko nikna gita man·enga. Uni gimin Union aro State sorkarirang iarangni bidingo raka ja·kurangko de·genchimode, India a·songna nambatgipa ong·gen.

Gittamgipa, West Garo Hills aro South West Garo Hills-o ta·rake Special Intensive Revision (SIR)-ko dakchina gitaba GHICMF, Union Minister of State Home Affairs-ko didiataha.