@ghdnews.in@

Raksamgre, Nov 21, 2025: West Garo Hills a·jani Raksamgre Civil Sub-Division-ni ning·o ga·akgipa, Pedaldoba aro Rongsai jolrango donggipa Garo Hills Autonomous District Council (GHADC), Forest Department-ni a·arango gipin jatrang niamgri nokrangko rike dongengani gimin, A·chik Dedicated Integrity Leaders (ADIL) Pedaldoba Regional Unit aro ADIL Western Zone, Phulbari, GHADC-ni Deputy CEM, Nikman Ch.Marak-na sedoataha.

ADIL Pedaldoba Regional Unit aro ADIL Western Zone, Phulbari-oni parakatani gitade, Pedaldoba aro Rongsai bazar sambao donggipa, GHADC, Forest Department-ni a·arango gipin jatrang niamgri nokrangko rike dongenga.

Ua manderango maming document-rang gri skatang gipin jatrang re·bae ua biaprangko a·kangenba nok jamrangko rike dongenga, ine parakatenba, GHADC-ni a·arango niamgri nokrangko rike dongengipa manderangni kosako raka ja·kuko de·china aro ta·raken,ua biaponiko rikgalchina ADIL Pedaldoba Regional Unit aro ADIL Western Zone, Phulbari, ua manderangni kosako badi ka·doataha.