@ghdnews.in@

Tura, Feb 18, 2026: Re·baenggipa April 10 tariko ong·atenggipa Garo Hills Autonomous District Council (GHADC) election-o susana seokgimin, candidate-rangni bimingrangko skanggipa list-o Garo National Council (GNC) parakataha.

GHADC election-o susana gita seokako man·gipa candidate-rangara Augustine R Marak Silkigre constituency, Nikman Ch Marak Rongrikkimgre constituency, Jakrak A Sangma Amongpara constituency, Dengnakpara na Deson Marak Dengnakpara constituency, Geobar B Marak Asananggre constituency, Rongrong na Sengba D Sangma Rongrong constituency aro Chibasal Lampard R Marak Williamnagar constituency.

Ia sak 7 candidate-rangna agreba GNC dolo susana nangnikenggipa candidate-rangna do·ga oe donenga ine GNC-ni Dakchakgipa Padot Henysing A.Sangma parakataha.

Seokako man·gipa candidate-rang re·baenggipa GHADC election-o bilsue susana gita tarisoenga ineba Sangma parakataha.

Ia skanggipa list-ko parakatengon, re·baenggipa salrango candidate-rangni bimingrangko gnigipa list-o on·dape parakatna miksongenga ineba GNC parakataha.