@ghdnews.in@

Shillong, Jan 28, 2026: Garo Hills Autonomous District Council (GHADC)-ni term ba somoiko ra·dona gita a·dok sorkari maming chanchiani dongja, donsogimin somoi gitan election-ko matchotatgen ine Deputy Skotong Minister Prestone Tynsong Monggolbar salo parakataha.

GHADC-ni sal somoirang re·baenggipa April 18 tariko matchotengahani gimin, ua somoina skangan Sorkari election-ni kamrangko matchotatna ga·akenga, District Council Affairs (DCA) Department-ni Minister incharge Monggolbar salo kobor ra·timgiparangna aganaha.

“GHADC election-ko dontongatna sorkari maming miksongani dongja. District Council-ni term re·baenggipa April 18 tarikon bon·engahani gimin, una somoina pilak kamrangko matchotatna nanggen” ine Deputy Skotong Minister aganaha.

Indake ong·engon, GHADC election-ko ong·atani bidingo Cabinet chanchiahaode, ta·raken koborrangko man·aignok, Cabinet-o chanchiaha ong·ode, uko jinmana parakaignok ine Tynsing aganaha.

Garo Hills-o Special Intensive Revision (SIR)-ko dakani bidingo sing·anina aganchakengon, ia kamrang, Election Commission of India (ECI)-ni bilosa pangchaka. ECI-ni ge·etaniko man·ahaosa sorkari ua kamrangko ka·na man·a ineba Tynsong aganchakaha.

‘‘Election Commission of India-ni u·iataniko man·osa uko kam ka·na man·gen. Uni gisepon, Garo Hills-o SIR-ko dakna ja·ku de·e mesokaniara ra·chakna man·gipa kaman ong·a, aro ian election-ni kamrangko bilakbatatgen’’ ine Deputy Skotong Minister aganaha.