@ghdnews.in@

Gasuapara, Jan 17, 2026: South Garo Hills a·jani Gasuapara C&RD Block-ni ning·o donggipa Telekali songni manderang re·anggipa January 14 tariko PMAY (Pradhan Mantri Awas Yojna) Low-Cost Housing Scheme-ko man·gipa beneficiary-rang sal 60-ni PMAY-MGNREGA convergence wages ba hajirako man·jahani gimin, Gasuapara C&RD Block Officer-ni kosako Gasuapara Pulis Station-o badi ka·doangaha.

Songni manderangni talatani gitade, batanggipa 2024-2025 bilsini financial year-o Telekali songni manderang, PMAY low-cost nokko rikna kangal cholgrirangna on·gipa scheme-ko man·aha. Indake ong·genchimoba, uamangna MGNREGA-ni sal 95-ko convergence dakate sal 35-nikosan on·e, sal 60-kode da·alona kingkingba on·kujaenga aro iani a·selan bang·bata beneficiary-rangan an·tangtangni nokrangko matchote rikna gita man·kujaenga, maina uamangni man·na nanggni tangkarangko indita bilsi ong·piloba Block Office-ni gita on·kujaenga.

Iani bidingo batanggimin bilsirangon Block Office-o sing·sandianiko dakon, maming dakchakaniko man·jahani gimin, re·anggipa 2025 bilsini August jao Gasuapara C&RD Block Officer-na complaint-ko on·aha aro BDO-ni ge·eta gita, beneficiary-rangni list-rangko tarie, Office-o on·aha.

Uko daka ja·man, BDO songni manderangna FTO generate ka·na man·jaha ja·manchakaha ba lapse ong·aiaha, na·simangni man·gni sal 60-ni convergence tangkarangkode on·na man·jawaha ine aganenba, songni manderangko watatpilataiaha.

Iani bidingo re·anggipa 2025 bilsini November-3 tariko DRDA Project Director (PD)-na complaint-ko on·ahachim aro Baghmara-ni Deputy Commissioner-naba copy-ko on·aha.

Indake ong·engon, re·anggipa January 14 tariko Gasuapara C&RD Block-ni BDO baksa songni manderang agangrike nitaiahachim, indiba on·na man·teljawaha ine aganchakahani gimin, songni manderang uni kosako Gasuapara pulis station-o badi ka·aha.

Songni manderang sorkarini ka·sae on·atgipa tangkarangko man·jani a·sel bang·a neng·nikanirangko man·engaha, maina uamangde, forest reserve-osa songdongengani gimin, gipin biaprango gita bagan bari, a·a chiko pale nokko rikpana man·jachim ine songni manderang parakataha.