Tura, April 7, 2026: Meghalaya Board of School Education (MBOSE) Tura, da·al April 7 tariko ia bilsini Secondary School Leaving Certificate (SSLC) porikka result-rangko parakataha.

Ia SSLC porikkao Garo Hills-ni sak 10 chatro chatrirang, dingtang dingtang a·jarangoni Top 20 rank-o pass ka·angtokaha.

Uarangara Tura, Embee Rosebud Higher Secondary School-ni Vishal Kumar Top 20-ni 2-gipa rank-ko pass ka·aha. Uni gisepon, Tura-ni Pechon Memorial Police Public Secondary School-ni Prinita Das Top 20-ni 3-gipa rank-ko pass ka·aha. Unbaksana South West Garo Hills a·jani Mahendraganj Hari Shanti Secondary School-ni Private chatro Mehek Islam Top 20-ni 6-gipa rank-ko pass ka·aha. North Garo Hills a·jani Reking Adokgre, St.Andrew’s Secondary School-ni Private chatro Emalton D.Marak Top 20-ni 10-gipa rank-ko pass ka·aha. Uandaken, Tura-ni Pechon Memorial Police Public Secondary School-o poraigipa, Tushar Das Top 20-ni 11-gipa rank-o pass ka·aha. Una agreba Private chatro Firoza Akter (badia skul aro district-ko janapjaha), Top 20-ni 14-gipa rank-ko pass ka·skaha. Uandake, South West Garo Hills a·jani Garobadha Nirupama Memorial Secondary School-ni Deepjyoti Koch Top 20-ni 16-gipa rank-ko pass ka·aha. Apsandake, West Garo Hills a·jani Tura, Pechon Memorial Police Public Secondary School-ni Pragati Gupta Top 20-ni 18-gipa rank-ko pass ka·aha. Unbaksana Tura-o ge·sa mingsinggipa Sherwood Secondary School-ni Adiel Sangma Top 20-ni 19-gipa rank-ko ka·aha aro apsan School-ni Churchill Leithanthem Top 20-ni 20-gipa rank-o pass ka·angskaha.

Indake, ia 2026 bilsini SSLC porikkao Top 20 rank-o pass ka·anggipa chatro chatrirangna skigiparang, mikkangchi nambata gadango poraiangkuchina didiatan baksa nama sikaniko on·attokaha aro chatro chatrirangba, an·tangtangni nambata gadango pass ka·na man·ahani gimin skigiparangko mittelpilangskaha.