Tura, June 13, 2025: Re·baenggipa June 19 tarikoni 25 tarikona Haryana-ni SAI NBA Rohtak songjinmao ong·atenggipa, 6-gipa Under-17 Junior Boys and Girls National Boxing Championship-o Garo Hills-ni chadambe sakgni bak ra·anggen ine u·iataha.
6-gipa U-17 Junior Boys’ and Girls’ National Boxing Championship-o bak ra·na sienggipa chadambe sakgniara, Ballong-oni Chingkam R. Marak kg 52-o kal·susaanggen aro Penny Valley-oni Casbe K.Marak kg 70-o kal·suaangskagen, ine boxing-o gold medal man·gipa Balnas A.Sangma parakataha.
Ia sakgni chadamberang training hall-o namedake skie ra·a man·kuja aro practice ka·ani bosturangba tiktaksan ong·oba, uamang ka·dongbee Championship-o bak ra·angna gita tarisoenga ine Sangma u·iataha.
