@ghdnews.in@

Tura, Dec 15, 2025:Garo Blind Football Club (GBFC), HQ Tura, bilsiantian, Indian Blind Football National Tournament (IBFNT)-o bakko ra·e kal·enga. Uandaken, ia bilsioba December 14-18 tarikona Utharakhand-Deradhun-o ong·atenggipa tournament-o bak ra·na gita Meghalaya-ni Team re·baaha. Uano bak ra·na gita Meghalaya a·dokni dingtang dingtang district player-rangko rimbaaha ine Garo Blind Football Club-ni Secretary Jhonlavin Ch.Marak u·iatataha.

Meghalaya a·dokni Blind Football Tournament-o bakko ra·enggipa player-rangara Klington D.Marak (Captain), Visiondo M.Sangma (Goal-Keeper), Jebilbang M.Sangma, Prakash D.Shira, Jhonborlang Pyngrope, Krenith R.Marak, Crasen Ch.Marak, Tengku D.Sangma (Goal-Guide), John Lavin Ch.Marak (Head-Coach).

Ia player-rangan Meghalaya a·dokko Deradhun Maharana Pratap Sports College, Hockey Play ground-o skanggipa kal·susaaniko Meghalaya baksa Odhisa kal·anio, Meghalaya goal 4-ko chipe Odhisa-ko amataha. Jhonborlang Pyngrope goal 1-ko chipe Meghalaya Team-ko mikkim gnangataha.

Da·al chong·motan December 15 tariko Meghalaya baksa Utharakhan team gnigipa kal·susaaniko attamni 2 bajio kal·susaanggen, ine Maraka parakataha.