Tura, Oct 22, 2024: Re·baenggipa November 13 tariko ong·atenggipa 56-Gambegre Assembly By-Election-o susana gita dingtang dingtang political dolrang campaign-rangko ka·tokengon, BJP dol October 22 tarik Monggolbar salosa Gambegre by-election-o susana gita Tura-ni BJP MDC Bernard N.Marak-ni bimingko parakataha.
BJP re·anggipa Lok Sabha Election-o NPP dol baksa bakrime, NPP candidate-na kamrangko ka·ahaoba, da·o re·baenggipa Gambegre By-Election-o susana gita BJP Bernard N.Marak-ko candidate-na seokataha.
Indake, Gambegre by-election-o bilakgipa National Party-rang NPP, TMC, Congress aro gipin Independent candidate-rang baksa Bernard Marak mikkang chakgrike susaanggen.
