Tura, Oct 9, 2024: Gambegre block-ni ning·o donggipa Chollongpara songo Jembot Ch.Marak-ni nokko a·a be·dapaha, indiba nokni manderang rasong gnangbee, maming a·sel ong·a gri name jokaha.

Indiba uamangni nok-jamrang bang·en nosto ong·aha aro dongchakna cholijajok, indiba da·odipet re·bae sandia dongkuja aro maming dakchakanirangko man·kuja ine NGCO Purakhasia Unit-ni President Chasrang Marak parakataha.

Uasan ong·aigija mikkarang dontonggija waani a·sel chirang dal·bae, bang·a songni nokni bagan barirang, mi a·palrang nosto ong·atako man·aha, uarangna sorkarini gita maiba dakchakanirangko on·genchimode, namgenchim aro mittelbegenchim, ineba parakataha.