Tura, Marc 4, 2026: Sixth Schedule-na on·gimin niamko S.G. Esmatur Mominin aro Sofior Rahman-ni Indian Constitution-o on·gimin, Sixth Schedule-ko ong·gija ba kragija agangipa kattarangko Nangrimgimin A·chik Dol (NAD) raken jegalataha.

A·bachengonin, Sixth Schedule-ara Indian Constitution-ni Article 244 (2) aro Article 275 (1)-ni ning·o ra·gatgipa niam ong·a. Iako Meghalaya a·dok baksana salgro-salaram jolni tribal jatrangni man·gnirang, daka-rikanirang, a·a-chirangko chel·chakna aro an·tangtangni bilchi sason ka·ana man·gipa bil ong·a. Iani gimin sing·doani ba jegalaniara Indian Constitution-o on·gimin niamrangko pe·ani ong·a, ine NAD-ni President David Ch.Marak parakataha.

Ia Sixth Schedule-ko India-ni Constituent Assembly-o donggipa dal·gipa dilgiparang Dr. B.R. Ambedkar (Chairman, Drafting Committee), Sardar Vallabhbhai Patel (Chairman, Advisory Committee on Fundamental Rights, Minorities and Tribal and Excluded Areas), Gopinath Bordoloi (Chairman, Sub-Committee on Tribal and Excluded Areas, Assam) aro J.J.M. Nichols Roy baksana Rupanath Brahma maangni dilanichi dingtangmancha chanchinae ra·chakmangimin ong·a. Ia niamrangara manderangko aro pilak autonomous administrative institution-rangko chel·chakna gita taritaha.

Scheduled Tribe (ST) Certificate-ara India-ni Constitution-ni Article 342-ni ning·o tribal jatrangna on·gimin dingtangmancha sakki ong·a. Ian maming niam gri segatgimin ong·ja, indiba tribal-rangni identity, a·a aro pilak man·gnirangko niamchi rakkina on·gipa bilrang ong·a. Uni gimin, Sixth Schedule-ni niamko jegalaniara Constitution-ni niamrangko ma·sigija pe·ani ong·a, ine NAD parakataha.

Garo Hills-ni sima jolrango manderangni gaproroengani gimin sorkari aro songdongenggipa manderang namen neng·nikaniko man·enga. Batanggimin bilsirango gipin biapni manderang bang·batroroaniko nike manderangna namen jajrengani ong·enga.

Ia bidingo S.G. Esmatur Mominin aro Sofior Rahman, India-ni Constitution-o donggipa Sixth Schedule-na on·gimin niamko ong·gija kattarangchi agananiara ra·chakna man·gijani ong·a ineba NAD parakataha.

Sixth Schedule-ara Indian Constitution-ni Article 244 (2) aro Article 275 (1)-ni ning·o ra·gatgipa niam ong·a. Ia niamko Meghalaya a·dok baksana salgro-salaram jolo songdonggipa tribal jatrangni man·gnirang, daka-rikani bewalrang, a·a-chirang, gan jinrang aro sason ka·anirangko chel·chake rakkichina gitasa taritaha. Iani bidingo sing·doani ba jegalaniara India-ni Constitution-o ra·chakgimin niamrangko pe·ani ong·a, ineba janapataha.