@ghdnews.in@

Shillong, Feb 6, 2026: East Jaintia Hills a·jani Mynsyngat Thangsko jolo niamgri koela bikotgipa a·damo dynamite brete a·sel ong·anio sak 18 manderangni manggisikosan man·kuengani gisepon, ua koela a·damni nokgipa aro koela bikotenggipa manderangko ta·raken rim·china Meghalaya High Court ge·etaniko on·ataha.

A·sel ong·ani ja·mano, East Jaintia Hills-ni Deputy Commissioner aro Superintendent of Pulis (SP)-ko ua biapo niamgri koela bikotanio jak donggipa manderangni kosako rakgipa ja·kuko de·china High Court ge·etangaha aro February 9 tariko uamangko Court-ona re·bae mikkang pa·china ge·etaniko on·ataha. Uni gisepon, pulisrangni am·sandianiko dakani ja·man, ua kamo jak donggipa sakgni manderangko rim·aha, ine East Jaintia Hills-ni SP Vikash Kumar Sukrobar salo parakataha.

Iandake koela cho·aniko Public Interest Letigation (PIL) ka·anggipako Court-ni rakkigimin One-Man Committee, jekon retired Justice BP Katakey-ni dilanio 35-gipa report-ko on·ani ja·man, Division Bench-o jako ra·e kam ka·gipa Justice W. Diengdoh aro HS Thangkhiew nipiltaianiko dakangaha.