@ghdnews.in@

Williamnagar, Jan 26, 2026: East Garo Hills a·jani SP aro Additional SP, Officer-rang, Special Operation Team (SOT) aro Williamnagar-ni DEF, January 25 tarik walni 1:00 bajimango am·sandianiko dakenba, a·ningo gope dongipa bang·a silchidarerang, gulirang, bilakgipa IED boma aro gipin bosturangko Dura Bawegre songoniko man·aha.

Ua silchidarerang, silairang aro gulirangara gitcham, Garo National Liberation Army (GNLA) aro United Liberation Front of Assom (ULFA) bobil dolrangni gope donanggipa ong·naba donga ine pulisrang chanchichipenga.

Pulisrangni am·sandie man·gipa silairangara AK 56 rifle ge·sa, AK magazine kingsa, ge·gittam pistol, ge·gni magazine, gopretna jakkalgipa delay mechanism ge 7, an·tang tarigipa silai nol ge·gni donggipa rifle aro trigger magazine, AK 7.65-ni guli rong 99, live ammunition 7.65 mm guli rong 4, live electric detonator ge 50, shot gun cartridge ge 11, somoi dona man·gipa ltr 3-ni IED aro pressure cooker-ko man·aha.

Iani bidingo Williamnagar Pulis Station-o case no. 04/2026 u/s 25(1A)(1B) Arms Act aro Explosive Substance Act Sec. 5-ni ning·o mamlako segataha aro am·sandiako dakkuenga ine pulisrang parakataha.