@ghdnrws.in

Shillong, Feb 11, 2026:Re·anggipa February 5 tariko, East Jaintia Hills a·jani Mynsyngat-Thangsko songni, koela a·damo dynamate gopretaniko am·sandie man·ani gitade sak 30 gapaha aro baditaba sak manderang saknaanirangko man·ahani gimin, a·doko niamgri koela bikotaniko jegalchae dongaigija, niamgri koela bikotaniko champengna gita ta·raken ja·kurangko de·chakatchina Trinamool Congress (TMC)-ni State President Charles Pyngrope, a·dok sorkariko didiataha.

Ua a·sel ong·aniko champengna man·achim aro uan namen ong·nanggija a·sel ong·aha. Niamgri koela bikotaniko changni chang jegalahaoba, a·dok sorkari mamingkon knachakjani gimin iandakgipa a·sel ong·aniara, a·doko niamgri koela bikotaniko mesokani ong·aha ine Pyngrope parakataha.

A·doko niamgri koela bikotaniko champengatgencjimode, manderangni janggirang gimajawachim aro rakgipa ja·kurangko de·na nangchim ineba Pyngrope matnangaha.

“Ia a·sel ong·anio chadamberangoni bang·en janggitangtangko gimaatna nangaha. Uni gimin niamgri koela bikotaniko champengna nangchongmota aro iandakgipa kamrango jak donggipa manderangni kosako rakgipa ja·kurangko de·na nangchongmota,” ine TMC-ni State President aganenba,

A·dokni koelarangko niamgri bikotenga aro uandakgipa kamrangko donnuna man·jawa ineba parakataha.

Koela a·dam gopretaniara·doko niamgri koela bikotaniko jinmana mesokani ong·aha. Iandakgipa kamrangko jegalchae dongaigija rakgipa ja·kurangko de·china Pyngrope, a·dok sorkariko didiataha.

“A·gilsak gimikan mai ong·enga, ukode ma·sienga, indide maikai iako jegalna man·a? Sorkari iako ku·rachakna nanga aro niamgri dakaniko champengna raken kamko ka·na nanga,” ine Pyngrope aganaha.

A·sel ong·anio sianggipa manderangni nokdangrangna ua an·tangni kalimpaaniko parakataha.

Ia a·selni bidingo jakgitele sandirokatchina gitaba TMC President, a·dok sorkariko didiataha.