Tura, March 30, 2026: A·chik a·songo songdongenggipa manderang aro bading chiwalgiparang, je taxes-rangko Garo Hills Autonomous District Council (GHADC)-na gamna nangachim, ua taxes-rangko somoi gita gamtokpachina, GHADC-ni Deputy CEM aro Taxation Department-ni Incharge, Stevie M.Marak mol·molataha.

Taxes ine aganengon, Profesional taxes, mongsongbate gipin jatrang jemangan A·chik a·songo bading chiwalengachim, dongimin niam gita,taxes-rangko gampachina sakantikon mol·molataha. Iako mol·molatengon, A·chik a·songo Skul kuligiparang, dingtang dingtang bank kuligiparang, teer counter kuligiparang, dal·dalgipa bading chiwalgiparang, contractor-rang, Profesional Taxes-rangko gamna nanga. Uamang, gama indiba 60% ba 70% san gamaia 40% rangde gamja. Uni gimin District Council-ni balance-rang ba bangkirangko nikna man·a aro tangka paisarangna neng·nikanirangko nika. Uni gimin, iarangchin District Council-ko chalaiengani gimin, ia taxes-rangko ba kajinarangko District Council-ni namgnina chakchikgijan, somoi gita gamchina ba update ka·china Marak mol·molataha.

Unbaksana je a·a pattarangko bilsi 10 prako renew ka·na nanggipa donga, ia pattarangko renew ka·ani somoi ong·aha, uni gimin iarangkoba somoi gita renew ka·pachina Deputy CEM mol·molataha.

Iarangko check ka·na gita enforce-ment department donga, iarangko check ka·na department manderangko watenga aro department-ni gita watani somoio bisong sal 15 ba sal 20 somoiko ba deadline-ko on·gen, uno on·ja ong·ode, show cause-rangko on·gen, mai a·selni gimin gamjaenga, indiba show cause-rangko on·ani ja·mano gamtelja ong·ode, dongimin niamrango pangchake action-ko ra·gen ine Marak parakataha.

Dongimin provisions, section number 8 para 2-o power to collect taxes on land, building, residents within such areas. Section 8 para 3 (a)-o taxes and profesion, taxes on holding employment, (b)-o taxes on animals, vehicles and boats, taxes on the entry of the goods into the markets carry on goods, (c)-o taxes on the maintainance of the skuls, dispensaries. Section number 8 para 4-o district council may make regulations to provide for collection any of the taxes specify. Uni gimin, iarangkosan ong·aigija, dingtang dingtang clinic-rangko chalaigiparang niamo pangchake taxes-rangko gampachina, A·chik a·songo songdongenggipa aro bading chiwalenggipa sakantikon Deputy CEM didiataha.