@ghdnews.in@

Garobadha, Feb 8, 2026:Skotong Minister Conrad K.Sangma-ni dilenggipa NPP dol, Sonibar salni bako Garobadha-o tom·aniko ong·atanio dingtang dingtang political dolrangoni sak 300-na baten manderang National People’s Party (NPP) dolo napangtokaha.

Uandake, NPP dolona gital napbagipa mandegiparangko Skotong Minister Conrad Sangma kusi ong·bee rimchaksoaha aro party-ni gita dingtang dingtang jatrangni man·na nanggniko chel·chakan baksa mikkangchi ua jolrangona bang·a development-ni kamrangko ra·bana ku·rachakangaha.

Indake manderang NPP-ni dilanio ka·dongan gape, re·baenggipa GHADC election-o chu·sokgipa ong·na ka·dongsoaniko Skotong Minister parakangaha.

Gital member-rangni indake, NPP dolo bak ra·anichi party-ni gita kam ka·aniko aro grassroot level-o manderang baksa bilakbate kamrangko ka·angna dakchakani ong·gen ine Skotong Minister aganangaha.

Uandake apsan bakrime kam ka·anichi jolo meli-nangrime dongna aro namroro silroroanirangko man·na nambate kamrangko ka·na cholko on·gen ine Sangma parakangaha.