@ghdnews.in@

Dainadubi, Jan 18, 2026: January 17 tarik Sonibar salo ACHIK Organisation Dainadubi Regional Unit baksa dingtang dingtang NGO-rang bakrime, Dilseng M.Sangma sagiko mande ra·ani bak gita, Candle Light Service-ko ong·atangaha.

ACHIK Organisation Northern Zone-ni Co-Chairman Rorok R Marak-ni parakatani gitade, re·anggipa January 9 tariko ACHIK Organisation-ni dilgipa saksa Dilseng M.Sangma-ko Rajabala Pulis Station-ni ning·o donggipa, Wadagre A·kingni Goalgaon songo dolsa rorirang chadrape ka·saninggija dokgrime siatanio jak donggipa manderang gimikkon ta·rake rim·enba, niam gita uamangna rakgipa sastirangko on·china, a·dokni Sikotong Minister Conrak K Sangma aro Pulis Department-ko didiataha.

Unbaksana dos dakgipa manderang ta·rake an·tangtangko sorkarina bame on·china gita didiatengon, bame on·ja ong·ode, A·chik jat dakgriknaba ready ong·a ineba Marak parakataha.